Para baixar o programa electoral, preme no PDF

 

 

O PG presenta a Agrupación Local en Lugo

O Partido Galego presentou este sábado a persoa que se vai encargar da Secretaría Local

Dentro da estratexia de presentación de candidaturas nas sete cidades máis grandes de Galicia, o PG elixe Lugo para abrir o ciclo de presentacións públicas.

Neste acto estiveron presentes varios membros da Agrupación Local e da Executiva Nacional, entre eles o Presidente Xosé Mosquera, arroupando a Carlos Ouro como novo Secretario Local do PG.

Abriu o acto o Secretario de Coordinación Suso Ares, que fixo unha introdución na que dou unha visión da liña política do partido e a súa utilidade para o País.

Pola súa parte o Presidente puntualizou a necesidade dunha forza política que favoreza o entendemento entre as distintas forzas políticas para acadar acordos beneficiosos para o conxunto da poboación, deixando ao lado as políticas erradas de desunión entre os grupos das corporacións.

O Secretario Local, Carlos Ouro, expuxo as principais necesidade e carencias da cidade de Lugo, entre as que destacou as comunicacións (a problemática da A54, e as conexións ferroviarias), tamén matizou a problemática do acceso a internet no rural.

O Partido Galego fai unha firme aposta para que Lugo teña o recoñecemento económico e empresarial que lle corresponde pola súa situación estratéxica tanto para a provincia de Lugo, como para Galicia. Tendo en conta ademais, que Lugo é unha das grandes cidades do País, e por iso debe dispoñer das mesmas posibilidades que outras cidades similares.

Lugo calidade, con esta denominación, Ouro tamén quixo lembrar a importancia do sector primario, poñendo de manifesto a calidade dos produtos do rural lugués, e o desleixo que teñen os diferente gobernos locais coas súas problemáticas e demandas.

10 outubro de 2022