Coñece o PG

Obxectivo

Dispoñer dun partido que defenda os intereses de Galicia e da súa sociedade. Ter un proxecto rigoroso e diferenciador que se debe presentar nas eleccións municipais 2023 e autonómicas 2024, co afán de atraer o voto galeguista e mudar a correlación de forzas nos concellos e no Parlamento Galego, neste último que chegará cos mesmos grupos políticos e mesma representación no 2024 que a disposta xa no 1997.

Identificación ideolóxica

O Novo Partido Galego debe ser un partido co perfil adecuado para chegar á maioría da sociedade, este debe situarse na centralidade política, conectando coa sociedade galega.

É habitual que na sociedade contemporánea se teña como pensamento coherente e racional a defensa dos piares do benestar públicos (educación, sanidade, Servizos Sociais e pensións), e esas mesmas persoas sexan practicantes relixiosas.

A defensa e a protección da cultura galega son valores e actitudes que abranguen a todo aquel que teña un sentimento de País ou o que nós chamamos sentimento galeguista.

A ecoloxía, a defensa do rural e o desenvolvemento sostible dos nosos sectores produtivos serán parte fundamental na nosa identificación ideolóxica. A nosa acción política centrarase en grande medida no apoio e mellora en sectores consolidados tales como a pesca, gandaría, vitivinícola, etc, así como en impulsar sectores potenciais da industria, producción que atenda a economía circular tendo especial atención ao conxunto da cadea de valor. Apostamos pola sostibilidade, fomentaremos que esta actividade se exerza no comercio de proximidade e ecolóxico.

Ideas Programáticas

Autonomía e autogoberno: Posta en valor das institucións e competencias para o autogoberno de Galicia, conseguindo a plena aplicación do Estatuto de Galicia, adaptado ao marco europeo para acadar o autogoberno.
Organización do territorio: A organización coherente e coordenada das áreas metropolitanas e a aposta polo mundo rural para que acade un futuro dinámico e moderno teñen que ser as bases para unha organización territorial en rede.
Organización do mar: É necesario defender a sostibilidade dun dos sectores máis representativos da economía e do carácter galego, con medidas que defendan e modernicen o sector compaxinadas con outras que defendan os recursos mariños para que perduren non tempo.
Transición ecolóxica e dixital: O obxectivo debe ser situar Galicia como referencia a nivel político, social e tecnolóxico no proceso de transición ecolóxica no que a humanidade verase inmersa nas vindeiras décadas.
Economía: Potenciar o propio, procurar a autosuficiencia e garantir o benestar.
Benestar, Educación, Seguridade e Saúde: Apostamos pola blindaxe dos servizos universais e de calidade, fomentando melloras no seu financiamento e eficiencia. Sistema educativo, sanidade, servizos sociais, renda básica para persoas desempregadas a nivel europeo e sistema de pensións público.
Galicia, Cédula de Universalidade: Proxectar Galicia coma un pobo diferenciado e aberto no concurso das nacións, fomentando a cooperación e solidariedade dos pobos. Pensar en chave global e actuar en chave local.

TRÍPTICO INFORMATIVO (pincha para baixalo)

BASES fundacionais do PARTIDO GALEGO
podes descargalas en pdf

Membros da Comisión Permanente

Xosé Mosquera Casero
Presidencia

Ourense. Con experiencia política en diferentes proxectos políticos, partindo do seu referente ideolóxico no PNG-PG.

Maximino Vázquez Salvado
Portavoz

Santiago. A súa experiencia política provén do socialismo galeguista.

Xesús Ares Gómez
Área de Coordinación

Boqueixón. Concelleiro-Portavoz entre 1995-1999, e dende o 93 ate a actualidade exerceu no deseño de estratexias e coordinación internas do galeguismo e nacionalismo.

Óscar Casáis Montemuíño
Área de Organización

Ribeira. Coordinador da implantación na Comarca do Barbanza do ámbito do galeguismo nos últimos anos.

Mª Montserrat Almozara Cordeiro
Área de Finanzas

Santa Comba. Coordinadora da campaña electoral Municipais’19 no seu concello, onde saíu electa no 2º posto da candidatura como concelleira.

Xabier Vázquez García
Área Política Municipal

Monterroso. Amplia traxectoria de colaboración política no ámbito nacionalista galeguista. Concelleiro-Portavoz dende 2019.

José Antonio Díaz Rodríguez
Área de Empresas

Melide. Concelleiro de Facenda na lexislatura 2007-2011. Amplia traxectoria de implicación política no nacionalismo e galeguismo.

Paula Mª Rey Gómez
Área de Autónomos

Carballo. Amplia traxectoria política dende o ano 2007 coordinando candidaturas municipais no ámbito do galeguismo onde o primeiro referente de implicación foi TeGa.

Anxo Manuel Franco Vidal
Área de Emprego

Dodro. Exerceu como Tenente-alcalde no período 2007-2011. Experiencia política de implicación antes e posterior ao período de mandato indicado.

Rubén Villasenín Iglesias
Área de Medio Ambiente

Vedra. Implicado en movementos sociais, lidera unha entidade de educación ambiental con dilatada traxectoria no desenvolvemento de programas de divulgación, capacitación e acción ambiental.

Xabier Pintos Pena
Área do Medio Rural

Teo. Foi candidato á alcaldía de Teo nas Municipais do 2019. Activista implicado en entidades sociais da cultura e ambientais.

Xosé Antón López
Área de Política Internacional

Santiago de Compostela. Ampla experiencia política con traxectoria no galeguismo partidario, candidaturas electorais e lider social implicado na súa cidade de Santiago.

Marta Samoelle Nieto
Área da Sanidade

Baiona. Desenvolve a súa actividade principal a nivel profesional no mesmo ámbito da responsabilidade política. Unha aposta de futuro para o galeguismo e para o seu concello Baiona

Xosé Ramón Perol
Área do Servizos á Afiliación

Padrón. Implicado no galeguismo político dende moi novo, un referente de sensatez e consensos que redundan na moderación e centralidade da nosa filosofía galeguista.